शुक्रबार, जेष्ठ ४ २०८१
शुक्रबार, जेष्ठ ४ २०८१
मध्यान्तर
काठमाडौं । गृहमन्त्री बालकृष्ण खाँणले नागरिकता विधेयक चुनाव प्रभावित पार्नका लागि नल्याएको बताएका छन् ।
बिहीबारको प्रतिनिधिसभा बैठकमा राष्ट्रपतिले पुनर्विचारका लागि पठाएको विधेयकको छलफलका क्रममा उठेका प्रश्नको जवाफ दिँदै गृहमन्त्री खाँणले लाखौँ नागरिकलाई नागरिकता दिन विधेयक ल्याइएको बताए ।
नागरिकता विधेयक ल्याउनुको कारण खुलाउँदै उनले नागरिकता नभएकाले लाखौँ युवाले विश्वविद्यालयमा पढ्न नपाएको बताए ।
त्यस्तै, लोकसेवाको परीक्षामा दर्खास्त दिन नपाएको, बैंकमा खाता खोल्न, सिमकार्ड लिनलगायतका समस्या भइरहेको उनले बताए । बाबु र आमा नेपाली नागरिक भएपनि उनीहरूका सन्तानले अंशसमेत आफ्नो नाममा ल्याउन नपाएको जस्ता समस्या रहेको उनको भनाइ छ ।
गृहमन्त्री खाँणले विधेयकमा व्यवस्था नै नभएको विषयमा धेरै चर्चा भएको पनि बताए ।
