काठमाडौँ । डिशमिडिया नेटवर्क लिमिटेड (डिशहोम) र तुषाल मल्टिभेन्युबीच ग्राहक, कर्मचारी, डिलर तथा सेवा साझेदारहरूलाई विशेष लाइफस्टाइल, फिटनेस र वेलनेस सुविधाहरू प्रदान गर्ने उद्देश्यले सम्झौता भएको छ ।

डिशहोमको ‘भर्चुअल प्रिभिलेज कार्ड’ कार्यक्रमअन्तर्गत दुई संस्थाबीच समझदारीपत्र (MoU) मा हस्ताक्षर भएको हो । विभिन्न आकर्षक अफर र वेलनेस सेवामार्फत ग्राहकहरूलाई थप मूल्य अभिवृद्धि गर्ने उद्देश्यले यो सहकार्य सुरु गरिएको कम्पनीले जनाएको छ ।

सम्झौताअनुसार डिशहोमसँग आबद्ध कर्मचारी, अधिकृत डिलर, सेवा साझेदार तथा ग्राहकहरूले तुषाल मल्टिभेन्युमा निम्नअनुसारका विशेष छुट र सुविधाहरू पाउनेछन्:

साउना, स्टिम तथा ज्याकुजी सेवामा: ५०% छुट

नयाँ जिम सदस्यतामा: २०% छुट

चयनित वेलनेस तथा मनोरञ्जन सेवामा: १५% छुट

फुड एन्ड बेभरेज (Food & Beverage) सेवामा: १०% छुट

छुट कसरी प्राप्त गर्ने ?
डिशहोमका ग्राहक तथा सदस्यहरूले सजिलै यो छुट लिनका लागि निम्न प्रक्रिया अपनाउनु पर्नेछ:

प्ले स्टोर वा एप स्टोरबाट myDishHome App डाउनलोड गर्ने ।

दर्ता गरिएको मोबाइल नम्बर वा ग्राहक ID प्रयोग गरी लगइन गर्ने ।

होम स्क्रिन वा प्रोफाइल सेक्सनमा रहेको आफ्नो Virtual Privilege Card खोल्ने ।

सेवा लिने स्थानमा उक्त डिजिटल कार्ड देखाएर तुरुन्तै छुट प्राप्त गर्न सकिनेछ ।

यस साझेदारीलाई औपचारिक रूप दिन तुषाल मल्टिभेन्युका आईटी हेड (IT Head) राजकुमार श्रेष्ठ र डिशहोमका सिनियर कर्पोरेट हस्पिटालिटी एकाउन्ट अफिसर (Sr. Corporate Hospitality Account Officer) देवराज श्रेष्ठले समझदारी पत्रमा हस्ताक्षर गर्नुभएको हो ।

भर्चुअल प्रिभिलेज कार्ड डिशहोमको ग्राहक सन्तुष्टि र समग्र जीवनशैली प्रवर्द्धन गर्ने दृष्टिकोणको एक हिस्सा हो । आगामी महिनाहरूमा आफ्नो साझेदार नेटवर्क अझ विस्तार गर्दै ग्राहकहरूका लागि थप जीवनशैली लाभहरू ल्याउने योजना डिशहोमको छ । यस सहकार्यले ग्राहक अनुभवलाई उत्कृष्ट बनाउनुका साथै आपसी सम्बन्धलाई थप मजबुत बनाउने दुवै संस्थाका प्रतिनिधिहरूले विश्वास व्यक्त गरेका छन् ।