काठमाडौं । दुबईमा जारी नेपाल र युएईबीचको दोस्रो टी–ट्वान्टि खेल नेपाललाई जित्नै पर्ने दबाब छ । बिहिबार भएको पहिलो खेलमा पराजित भएको नेपालले कुनैपनि हालतमा शुक्रबार दिउँसो हुने जित्नै पर्ने छ ।
नेपालले आज दिउँसो टि–ट्वान्टि श्रृंखलाअन्तर्गत घरेलु टोली संयुक्त अरब इमिरेट्स (युएई) संग खेल्ने छ । तीन खेलको टी–ट्वान्टि शृङ्खला आफ्नो पक्षमा पार्न नसके नेपाली टोली यो खेलबाट बाहिरिने छ ।
खेल दुबईस्थित आइसिसी ग्लोबल क्रिकेट एकेडेमीको मैदानमा नेपाली समयानुसार दिउँसो २ः४५ बजे शुरु हुनेछ । पहिलो खेल गुमाएर पनि पछिल्ला दुई खेल जितेर एकदिवसीय शृङ्खलामा कब्जा जमाउन सफल नेपाल उच्च मनोबलका साथ मैदान उत्रनेछ ।
आजको खेल जित्नसके नेपालले शृङ्खला जित्ने सम्भावना कायम रहनेछ भने यूएईले जिते एक खेलअगावै शृङ्खला आफ्नो पक्षमा पार्नेछ । एक दिवसीय शृङ्खला गुमाइसकेको घरेलु टोली यूएईका लागि टि–ट्वान्टि शृङ्खला जित्न गर या मरको अवस्था छ ।
टी–ट्वान्टि विश्वकपमा प्रतिस्पर्धा गरिसकेको नेपालले अहिलेसम्म टी–ट्वान्टि शृङ्खला जित्न सकेको छैन । शृङ्खला जिते यसपटक नेपालले अर्को इतिहास रच्नेछ ।
यो पनि पढ्नुहोस्
टी-ट्वान्टीः यूएईसंग नेपाल पराजित
नेपाललाई छैटौं सफलता, अर्धशतक प्रहार गर्ने अनवार आउट
सन्दिपको दोस्रो विकेटसंगै नेपाललाई चौथो सफलता
नेपाललाई तेस्रो सफलता, बसन्तले लिए विकेट
यूएईविरुद्ध टि-ट्वान्टी शृङ्खलाः सुरु भयो सन्दिपको जादु, दोस्रो ओभरमा विकेट